Recibido de Javier Arjona, corresponal de Prensa Indígena 3 de junio.- Hasta la última piedra ye’l títulu d’un documental realizáu de forma valiente pol direutor Juan José Lozano, proyectáu n’Asturies y en tol mundiu, sobre les diverses masacres na Comunidá de Paz de San José Apartadó, en Colombia.

De Colombia diben llegar centenares de miles de tonelaes de carburante procedentes de cientos de miles d’hectárees de palma africano, que yá tán semaes en tierres robaes a indixenes y comunidaes negres, y otres que diben llantase nel Vichada por un anunciáu na prensa asturiana como gran negociu astur-colombianu, na frontera con Venezuela, con pobladores procedentes de la supuesta desmovilización de los escuadrones de la muerte, y col decisivu apoyu del gobiernu paramilitar.

La primer piedra de la gran instalación d’agrodiesel n’El Musel axudicada al grupu Natura, de Jimenez Belinchón, allugóla’l presidente Areces en meses pasaos... y dempués, la mesma empresa qu’usó la figura institucional del nuesu presidente, determinó públicamente que yá nun-y yera rentable, y que diba asperar a meyores rentabilidaes, y supuestamente a mayores subvenciones públiques...

Nel día mundial del mediu ambiente, esti 5 de xunu, recordando que dende hai 18 meses, por diversos medios, col gabinete, con cartes, con llamaes telefóniques, por rexistru, se ta solicitando entrevista coles autoridaes, cenciallamente pa contrastar dende les organizaciones sociales qu’hai otres motivaciones distintes del meru negociu.

Va volver solicitase esta entrevista al presidente Areces, a quien de pasu se-y va entrugar pola primer piedra, pa que de verdá seya la última en bien del mediu ambiente d’Asturies, de la nuesa salú mental, y de la vida de millones de persones nos países onde por métodos violentos se semen agroenerxéticos p’alimentar l’avaricia de les multinacionales, destruyendo selves, pa echar de comer a los vehículos a costa de la comida de la xente.

http://www.pachakuti.org/textos/campanas/agrocarburantes/1piedra-musel.html
http://www.pachakuti.org/textos/campanas/agrocarburantes/agrocomb-asturies.html

Soldepaz.Pachakuti•